سنن الترمذی - نماز کا بیان - حدیث نمبر 367
حدیث نمبر: 367
حَدَّثَنَا قُتَيْبَةُ، حَدَّثَنَا اللَّيْثُ بْنُ سَعْدٍ، عَنْ بُكَيْرِ بْنِ عَبْدِ اللَّهِ بْنِ الْأَشَجِّ، عَنْ نَابِلٍ صَاحِبِ الْعَبَاءِ، عَنْ ابْنِ عُمَرَ، عَنْ صُهَيْبٍ، قَالَ:‏‏‏‏ مَرَرْتُ بِرَسُولِ اللَّهِ صَلَّى اللَّهُ عَلَيْهِ وَسَلَّمَ وَهُوَ يُصَلِّي، ‏‏‏‏‏‏فَسَلَّمْتُ عَلَيْهِ، ‏‏‏‏‏‏فَرَدَّ إِلَيَّ إِشَارَةً، ‏‏‏‏‏‏وَقَالَ:‏‏‏‏ لَا أَعْلَمُ، ‏‏‏‏‏‏إِلَّا أَنَّهُ قَالَ:‏‏‏‏ إِشَارَةً بِإِصْبَعِهِ ، ‏‏‏‏‏‏قَالَ:‏‏‏‏ وَفِي الْبَاب عَنْ بِلَالٍ،‏‏‏‏ وَأَبِي هُرَيْرَةَ،‏‏‏‏ وَأَنَسٍ،‏‏‏‏ وَعَائِشَةَ.
نماز میں اشارہ کرنا
عبداللہ بن عمر ؓ سے روایت ہے کہ صہیب ؓ کہتے ہیں: میں رسول اللہ ﷺ کے پاس سے گزرا اور آپ نماز پڑھ رہے تھے، میں نے سلام کیا تو آپ نے مجھے اشارے سے جواب دیا، راوی (ابن عمر) کہتے ہیں کہ میرا یہی خیال ہے کہ صہیب نے کہا: آپ نے اپنی انگلی کے اشارے سے جواب دیا ١ ؎۔
امام ترمذی کہتے ہیں: ١- صہیب کی حدیث حسن ہے ٢ ؎، ٢- اس باب میں بلال، ابوہریرہ، انس، ام المؤمنین عائشہ ؓ سے بھی احادیث آئی ہیں۔
تخریج دارالدعوہ: سنن ابی داود/ الصلاة ١٧٠ (٩٢٥)، سنن النسائی/السہو ٦ (١١٧٨)، ( تحفة الأشراف: ٤٩٦٦)، مسند احمد (٤/٣٣٢)، سنن الدارمی/الصلاة ٩٤ (١٤٠١) (صحیح)
وضاحت: ١ ؎: یہ حدیث اس بات پر دلالت کرتی ہے کہ نماز میں سلام کا جواب اشارہ سے دینا مشروع ہے، یہی جمہور کی رائے ہے، بعض لوگ اسے ممنوع کہتے ہیں، ان کا کہنا ہے کہ پہلے جائز تھا بعد میں منسوخ ہوگیا، لیکن یہ صحیح نہیں، بلکہ صحیح یہ ہے کہ پہلے نماز میں کلام کرنا جائز تھا تو لوگ سلام کا جواب بھی وعلیکم السلام کہہ کردیتے تھے، پھر جب نماز میں کلام کرنا ناجائز قرار دے دیا گیا تو وعلیکم السلام کہہ کر سلام کا جواب دینا بھی ناجائز ہوگیا اور اس کے بدلے اشارے سے سلام کا جواب دینا مشروع ہوا، اس اشارے کی نوعیت کے سلسلہ میں احادیث مختلف ہیں، بعض احادیث سے معلوم ہوتا ہے کہ آپ نے اپنی انگلی سے اشارہ کیا اور بعض سے معلوم ہوتا ہے کہ آپ نے ہاتھ سے اشارہ کیا اس طرح کہ ہاتھ کی پشت اوپر تھی اور ہتھیلی نیچے تھی، اور بعض احادیث میں ہے کہ آپ ﷺ نے سر سے اشارہ کیا ان سب سے معلوم ہوا کہ یہ تینوں صورتیں جائز ہیں۔ ٢ ؎: اگلی حدیث نمبر ٣٦٨ کے تحت مولف نے اس حدیث پر حکم لگایا ہے۔
قال الشيخ الألباني: صحيح، صحيح أبي داود (858)
صحيح وضعيف سنن الترمذي الألباني: حديث نمبر 367
Sayyidina Suhayb (RA) reported that Allah’s Messenger was offering salah when he passed by. So, he greeted him with salaam. The Prophet ﷺ gestured his response. The narrator said, “I do not know whether he said that he gestured with his fingers.”
Top