سنن الترمذی - فرائض کے ابواب - حدیث نمبر 20753
حدیث نمبر: 661
حَدَّثَنَا قُتَيْبَةُ، حَدَّثَنَا اللَّيْثُ، عَنْ سَعِيدِ بْنِ أَبِي سَعِيدٍ الْمَقْبُرِيِّ، عَنْ سَعِيدِ بْنِ يَسَارٍ، أَنَّهُ سَمِعَ أَبَا هُرَيْرَةَ، يَقُولُ:‏‏‏‏ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:‏‏‏‏ مَا تَصَدَّقَ أَحَدٌ بِصَدَقَةٍ مِنْ طَيِّبٍ وَلَا يَقْبَلُ اللَّهُ إِلَّا الطَّيِّبَ إِلَّا أَخَذَهَا الرَّحْمَنُ بِيَمِينِهِ، ‏‏‏‏‏‏وَإِنْ كَانَتْ تَمْرَةً تَرْبُو فِي كَفِّ الرَّحْمَنِ حَتَّى تَكُونَ أَعْظَمَ مِنَ الْجَبَلِ، ‏‏‏‏‏‏كَمَا يُرَبِّي أَحَدُكُمْ فُلُوَّهُ أَوْ فَصِيلَهُ . قَالَ:‏‏‏‏ وَفِي الْبَاب عَنْ عَائِشَةَ، ‏‏‏‏‏‏وَعَدِيِّ بْنِ حَاتِمٍ،‏‏‏‏ وَأَنَسٍ، ‏‏‏‏‏‏وَعَبْدِ اللَّهِ بْنِ أَبِي أَوْفَى، ‏‏‏‏‏‏وَحَارِثَةَ بْنِ وَهْبٍ، ‏‏‏‏‏‏وَعَبْدِ الرَّحْمَنِ بْنِ عَوْفٍ، ‏‏‏‏‏‏وَبُرَيْدَةَ. قَالَ أَبُو عِيسَى:‏‏‏‏ حَدِيثُ أَبِي هُرَيْرَةَ حَدِيثٌ حَسَنٌ صَحِيحٌ.
زکوة ادا کرنے کی فضلیت
ابوہریرہ ؓ کہتے کہ رسول اللہ ﷺ نے فرمایا: جس نے بھی کسی پاکیزہ چیز کا صدقہ کیا اور اللہ پاکیزہ چیز ہی قبول کرتا ہے ١ ؎ تو رحمن اسے اپنے دائیں ہاتھ سے لیتا ہے ٢ ؎ اگرچہ وہ ایک کھجور ہی ہو، یہ مال صدقہ رحمن کی ہتھیلی میں بڑھتا رہتا ہے، یہاں تک کہ وہ پہاڑ سے بڑا ہوجاتا ہے، جیسے کہ تم میں سے ایک اپنے گھوڑے کے بچے یا گائے کے بچے کو پالتا ہے ۔
امام ترمذی کہتے ہیں: ١- ابوہریرہ کی حدیث حسن صحیح ہے، ٢- اس باب میں ام المؤمنین عائشہ، عدی بن حاتم، انس، عبداللہ بن ابی اوفی، حارثہ بن وہب، عبدالرحمٰن بن عوف اور بریدہ ؓ سے بھی احادیث آئی ہیں۔
تخریج دارالدعوہ: صحیح البخاری/الزکاة ٨ (تعلیقا عقب حدیث رقم: ١٤١٠)، والتوحید ٢٣ (تعلیقا عقب حدیث رقم: ٧٤٣٠)، صحیح مسلم/الزکاة ١٩ (١٠١٤)، سنن النسائی/الزکاة ٤٨ (٢٥٢٦)، سنن ابن ماجہ/الزکاة ٢٨ (١٨٤٢)، ( تحفة الأشراف: ١٣٣٧٩)، مسند احمد (٢/٣٣١، ٤١٨، ٥٣٨)، سنن الدارمی/الزکاة ٣٥ (١٧١٧) (صحیح) وأخرجہ: صحیح البخاری/الزکاة ٨ (١٤١٠)، والتوحید ٢٣ (٧٤٣٠)، وصحیح مسلم/الزکاة (المصدر المذکور)، و مسند احمد (٢/٣٨١، ٤١٩، ٤٣١، ٤٧١، ٥٤١) من غیر ہذا الطریق
وضاحت: ١ ؎: اس میں اس بات کی طرف اشارہ ہے کہ حرام صدقہ اللہ قبول نہیں کرتا ہے کیونکہ صدقہ دینے والا حرام کا مالک ہی نہیں ہوتا اس لیے اسے اس میں تصرف کرنے کا حق حاصل نہیں ہوتا۔ ٢ ؎: «یمین» کا ذکر تعظیم کے لیے ہے ورنہ رحمن کے دونوں ہاتھ «یمین» ہی ہیں۔
قال الشيخ الألباني: صحيح ظلال الجنة (623)، التعليق الرغيب، الإرواء (886)
صحيح وضعيف سنن الترمذي الألباني: حديث نمبر 661
Top