اسلام کے جامع اوصاف کا بیان
ابوبکر بن ابی شیبہ، ابوکریب، ابن نمیر، ح، قتیبہ بن سعید، اسحاق بن ابراہیم، جریر، ح، ابوکریب، ابواسامہ، ہشام بن عروہ اپنے والد سے، حضرت سفیان بن عبداللہ ثقفی ؓ سے روایت ہے کہ میں نے عرض کیا اے اللہ کے رسول ﷺ مجھے اسلام میں ایک ایسی بات بتا دیجئے کہ پھر میں اس کو آپ ﷺ کے بعد کسی سے نہ پوچھوں ابواسامہ کی حدیث میں ہے کہ آپ ﷺ کے علاوہ کسی سے۔ آپ ﷺ نے فرمایا تو کہہ میں ایمان لایا اللہ پر پھر ڈٹارہ۔