مشکوٰۃ المصابیح - ایمان کا بیان - حدیث نمبر 2270
حدیث نمبر: 2571
حَدَّثَنَا خَالِدُ بْنُ مَخْلَدٍ ، ‏‏‏‏‏‏حَدَّثَنَا سُلَيْمَانُ بْنُ بِلَالٍ ، ‏‏‏‏‏‏قَالَ:‏‏‏‏ حَدَّثَنِي أَبُو طُوَالَةَ اسْمُهُ عَبْدُ اللَّهِ بْنُ عَبْدِ الرَّحْمَنِ ، ‏‏‏‏‏‏قَالَ:‏‏‏‏ سَمِعْتُ أَنَسًا رَضِيَ اللَّهُ عَنْهُ، ‏‏‏‏‏‏يَقُولُ:‏‏‏‏ أَتَانَا رَسُولُ اللَّهِ صَلَّى اللَّهُ عَلَيْهِ وَسَلَّمَ فِي دَارِنَا هَذِهِ، ‏‏‏‏‏‏فَاسْتَسْقَى، ‏‏‏‏‏‏فَحَلَبْنَا لَهُ شَاةً لَنَا، ‏‏‏‏‏‏ثُمَّ شُبْتُهُ مِنْ مَاءِ بِئْرِنَا هَذِهِ، ‏‏‏‏‏‏فَأَعْطَيْتُهُ، ‏‏‏‏‏‏وَأَبُو بَكْرٍ عَنْ يَسَارِهِ، ‏‏‏‏‏‏وَعُمَرُ تُجَاهَهُ، ‏‏‏‏‏‏وَأَعْرَابِيٌّ عَنْ يَمِينِهِ، ‏‏‏‏‏‏فَلَمَّا فَرَغَ، ‏‏‏‏‏‏قَالَ عُمَرُ:‏‏‏‏ هَذَا أَبُو بَكْرٍ، ‏‏‏‏‏‏فَأَعْطَى الْأَعْرَابِيَّ فَضْلَهُ، ‏‏‏‏‏‏ثُمَّ قَالَ:‏‏‏‏ الْأَيْمَنُونَ الْأَيْمَنُونَ، ‏‏‏‏‏‏أَلَا فَيَمِّنُوا. قَالَ أَنَسٌ:‏‏‏‏ فَهِيَ سُنَّةٌ، ‏‏‏‏‏‏فَهِيَ سُنَّةٌ ثَلَاثَ مَرَّاتٍ.
باب: پانی (یا دودھ) مانگنا۔
ہم سے خالد بن مخلد نے بیان کیا، کہا ہم سے سلیمان بن بلال نے، کہا کہ مجھ سے ابوطوالہ نے جن کا نام عبداللہ بن عبدالرحمٰن تھا کہ میں نے انس ؓ سے سنا، وہ کہتے تھے کہ (ایک مرتبہ) رسول اللہ ﷺ ہمارے اسی گھر میں تشریف لائے اور پانی طلب فرمایا۔ ہمارے پاس ایک بکری تھی، اسے ہم نے دوہا۔ پھر میں نے اسی کنویں کا پانی ملا کر آپ ﷺ کی خدمت میں (لسی بنا کر) پیش کیا، ابوبکر ؓ آپ ﷺ کی بائیں طرف بیٹھے ہوئے تھے اور عمر ؓ سامنے تھے اور ایک دیہاتی آپ ﷺ کے دائیں طرف تھا۔ جب آپ ﷺ پی کر فارغ ہوئے تو (پیالے میں کچھ دودھ بچ گیا تھا اس لیے) عمر ؓ نے عرض کیا کہ یہ ابوبکر ؓ ہیں۔ لیکن آپ ﷺ نے اسے دیہاتی کو عطا فرمایا۔ (کیونکہ وہ دائیں طرف تھا) پھر آپ ﷺ نے فرمایا، دائیں طرف بیٹھنے والے، دائیں طرف بیٹھنے والے ہی حق رکھتے ہیں۔ پس خبردار دائیں طرف ہی سے شروع کیا کرو۔ انس ؓ نے کہا کہ یہی سنت ہے، یہی سنت ہے، تین مرتبہ (آپ نے اس بات کو دہرایا) ۔
Top