مسند امام احمد - حضرت طخفہ غفاری (رض) کی حدیثیں - حدیث نمبر 7114
حدیث نمبر: 825
حَدَّثَنَا أَبُو بَكْرِ بْنُ أَبِي شَيْبَةَ، ‏‏‏‏‏‏حَدَّثَنَا زَيْدُ بْنُ الْحُبَابِ، ‏‏‏‏‏‏حَدَّثَنَا مُعَاوِيَةُ بْنُ صَالِحٍ، ‏‏‏‏‏‏حَدَّثَنَا رَبِيعَةُ بْنُ يَزِيدَ، ‏‏‏‏‏‏عَنْقَزَعَةَ، ‏‏‏‏‏‏قَال:‏‏‏‏ سَأَلْتُ أَبَا سَعِيدٍ الْخُدْرِيَّ عَنْ صَلَاةِ رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ:‏‏‏‏ لَيْسَ لَكَ فِي ذَلِكَ خَيْرٌ، ‏‏‏‏‏‏قُلْتُ:‏‏‏‏ بَيِّنْ رَحِمَكَ اللَّهُ، ‏‏‏‏‏‏قَالَ:‏‏‏‏ كَانَتِ الصَّلَاةُ تُقَامُ لِرَسُولِ اللَّهِ صَلَّى اللَّهُ عَلَيْهِ وَسَلَّمَ الظُّهْرَ فَيَخْرُجُ أَحَدُنَا إِلَى الْبَقِيعِ، ‏‏‏‏‏‏فَيَقْضِي حَاجَتَهُ، ‏‏‏‏‏‏وَيَجِيءُ فَيَتَوَضَّأُ، ‏‏‏‏‏‏فَيَجِدُ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي الرَّكْعَةِ الْأُولَى مِنَ الظُّهْرِ.
ظہر اور عصر میں قرآت
قزعہ کہتے ہیں کہ میں نے ابو سعید خدری ؓ سے رسول اللہ ﷺ کی نماز کے متعلق پوچھا، تو انہوں نے کہا: تمہارے لیے اس میں کوئی خیر نہیں ١ ؎، میں نے اصرار کیا کہ آپ بیان تو کیجئیے، اللہ آپ پہ رحم کرے، ابو سعید خدری ؓ نے کہا: رسول اللہ ﷺ کے لیے نماز ظہر کی اقامت کہی جاتی اس وقت ہم میں سے کوئی بقیع جاتا، اور قضائے حاجت (پیشاب پاخانہ) سے فارغ ہو کر واپس آتا، پھر وضو کرتا تو وہ رسول اللہ ﷺ کو ظہر کی پہلی رکعت میں پاتا ٢ ؎۔
تخریج دارالدعوہ: صحیح مسلم/الصلاة ٣٤ (٤٥٤)، سنن النسائی/ الافتتاح ٥٦ (٩٧٤)، (تحفة الأشراف: ٤٢٨٢) (صحیح )
وضاحت: ١ ؎: کیوں کہ علم عمل کے لئے ہے، اگر تم اس پر عمل نہ کرسکے تو وہ تمہارے خلاف قیامت کے دن حجت ہوگا۔ ٢ ؎: مسجد نبوی سے مشرقی سمت میں بقیع غرقد نامی علاقہ ہے، جس جگہ مقبرہ ہے، یہاں مقصد یہ بیان کرنا ہے کہ آدمی قضاء حاجت کے لئے اتنا دور جاتا اور نماز نبوی اتنی لمبی ہوتی کہ واپس آ کر پہلی رکعت پا جاتا، شاید رسول اکرم ﷺ کبھی کبھی لمبی قراءت کرتے تھے، ورنہ آپ نے نماز ہلکی پڑھانے کا حکم دیا ہے۔
Top