مسند امام احمد - حضرت عثمان (رض) کی مرویات - حدیث نمبر 501
حدیث نمبر: 6736
حَدَّثَنَا آدَمُ ، ‏‏‏‏‏‏حَدَّثَنَا شُعْبَةُ ، ‏‏‏‏‏‏حَدَّثَنَا أَبُو قَيْسٍ ، ‏‏‏‏‏‏سَمِعْتُ هُزَيْلَ بْنَ شُرَحْبِيلَ ، ‏‏‏‏‏‏قَالَ:‏‏‏‏ سُئِلَ أَبُو مُوسَى، ‏‏‏‏‏‏عَنْ بِنْتٍ، ‏‏‏‏‏‏وَابْنَةِ ابْنٍ، ‏‏‏‏‏‏وَأُخْتٍ، ‏‏‏‏‏‏فَقَالَ:‏‏‏‏ لِلْبِنْتِ النِّصْفُ، ‏‏‏‏‏‏وَلِلْأُخْتِ النَّصْفُ، ‏‏‏‏‏‏وَأَتِ ابْنَ مَسْعُودٍ فَسَيُتَا بِعْنِي، ‏‏‏‏‏‏فَسُئِلَ ابْنُ مَسْعُودٍ ، ‏‏‏‏‏‏وَأُخْبِرَ بِقَوْلِ أَبِي مُوسَى، ‏‏‏‏‏‏فَقَالَ لَقَدْ ضَلَلْتُ إِذًا وَمَا أَنَا مِنَ الْمُهْتَدِينَأَقْضِي فِيهَا بِمَا قَضَى النَّبِيُّ صَلَّى اللَّهُ عَلَيْهِ وَسَلَّمَ، ‏‏‏‏‏‏لِلْابْنَةِ النِّصْفُ، ‏‏‏‏‏‏وَلِابْنَةِ ابْنٍ السُّدُسُ تَكْمِلَةَ الثُّلُثَيْنِ، ‏‏‏‏‏‏وَمَا بَقِيَ فَلِلْأُخْتِ. فَأَتَيْنَا أَبَا مُوسَى، ‏‏‏‏‏‏فَأَخْبَرْنَاهُ بِقَوْلِ ابْنِ مَسْعُودٍ، ‏‏‏‏‏‏فَقَالَ:‏‏‏‏ لَا تَسْأَلُونِي مَا دَامَ هَذَا الْحَبْرُ فِيكُمْ.
بیٹی کی موجودگی میں نواسی کی میراث کا بیان
ہم سے آدم بن ابی ایاس نے بیان کیا، کہا ہم سے شعبہ نے، کہا ہم سے ابوقیس عبدالرحمٰن بن ثروان نے، انہوں نے ہزیل بن شرحبیل سے سنا، بیان کیا کہ ابوموسیٰ ؓ سے بیٹی، پوتی اور بہن کی میراث کے بارے میں پوچھا گیا تو انہوں نے کہا کہ بیٹی کو آدھا ملے گا اور بہن کو آدھا ملے گا اور تو ابن مسعود ؓ کے یہاں جا، شاید وہ بھی یہی بتائیں گے۔ پھر ابن مسعود ؓ سے پوچھا گیا اور ابوموسیٰ ؓ کی بات بھی پہنچائی گئی تو انہوں نے کہا کہ میں اگر ایسا فتویٰ دوں تو گمراہ ہوچکا اور ٹھیک راستے سے بھٹک گیا۔ میں تو اس میں وہی فیصلہ کروں گا جو رسول اللہ ﷺ نے کیا تھا کہ بیٹی کو آدھا ملے گا، پوتی کو چھٹا حصہ ملے گا، اس طرح دو تہائی پوری ہوجائے گی اور پھر جو باقی بچے گا وہ بہن کو ملے گا۔ پھر ابوموسیٰ ؓ کے پاس آئے اور ابن مسعود ؓ کی بات ان تک پہنچائی تو انہوں نے کہا کہ جب تک یہ عالم تم میں موجود ہیں مجھ سے مسائل نہ پوچھا کرو۔
Top