صحيح البخاری - ذبیحوں اور شکار کا بیان - حدیث نمبر 1003
حدیث نمبر: 5934
حَدَّثَنَا آدَمُ ، ‏‏‏‏‏‏حَدَّثَنَا شُعْبَةُ ، ‏‏‏‏‏‏عَنْ عَمْرِو بْنِ مُرَّةَ ، ‏‏‏‏‏‏قَالَ:‏‏‏‏ سَمِعْتُ الْحَسَنَ بْنَ مُسْلِمِ بْنِ يَنَّاقٍ ، ‏‏‏‏‏‏يُحَدِّثُ عَنْ صَفِيَّةَ بِنْتِ شَيْبَةَ ، ‏‏‏‏‏‏عَنْ عَائِشَةَ رَضِيَ اللَّهُ عَنْهَا، ‏‏‏‏‏‏أَنَّ جَارِيَةً مِنَ الْأَنْصَارِ تَزَوَّجَتْ، ‏‏‏‏‏‏وَأَنَّهَا مَرِضَتْ فَتَمَعَّطَ شَعَرُهَا، ‏‏‏‏‏‏فَأَرَادُوا أَنْ يَصِلُوهَا، ‏‏‏‏‏‏فَسَأَلُوا النَّبِيَّ صَلَّى اللَّهُ عَلَيْهِ وَسَلَّمَ، ‏‏‏‏‏‏فَقَالَ:‏‏‏‏ لَعَنَ اللَّهُ الْوَاصِلَةَ وَالْمُسْتَوْصِلَةَ، ‏‏‏‏‏‏تَابَعَهُ ابْنُ إِسْحَاقَ ، ‏‏‏‏‏‏عَنْ أَبَانَ بْنِ صَالِحٍ ، ‏‏‏‏‏‏عَنِ الْحَسَنِ ، ‏‏‏‏‏‏عَنْ صَفِيَّةَ ، ‏‏‏‏‏‏عَنْ عَائِشَةَ .
بالوں میں جوڑ لگانے کا بیان
ہم سے آدم بن ابی ایاس نے بیان کیا، کہا ہم سے شعبہ نے بیان کیا، ان سے عمرو بن مرہ نے بیان کیا کہ میں نے حسن بن مسلم بن نیاق سے سنا، وہ صفیہ بنت شیبہ سے بیان کرتے تھے اور ان سے عائشہ ؓ نے بیان کیا کہ انصار کی ایک لڑکی نے شادی کی۔ اس کے بعد وہ بیمار ہوگئی اور اس کے سر کے بال جھڑ گئے، اس کے گھر والوں نے چاہا کہ اس کے بالوں میں مصنوعی بال لگا دیں۔ اس لیے انہوں نے نبی کریم ﷺ سے اس کے متعلق پوچھا۔ نبی کریم ﷺ نے فرمایا کہ اللہ تعالیٰ نے مصنوعی بال جوڑنے والی اور جڑوانے والی دونوں پر لعنت بھیجی ہے۔ شعبہ کے ساتھ اس حدیث کو محمد بن اسحاق نے بھی ابان بن صالح سے، انہوں نے حسن بن مسلم سے، انہوں نے صفیہ سے، انہوں نے عائشہ ؓ سے روایت کی ہے۔
Top