صحيح البخاری - - حدیث نمبر 404
حدیث نمبر: 3757
حَدَّثَنَا أَحْمَدُ بْنُ وَاقِدٍ، ‏‏‏‏‏‏حَدَّثَنَا حَمَّادُ بْنُ زَيْدٍ، ‏‏‏‏‏‏عَنْ أَيُّوبَ، ‏‏‏‏‏‏عَنْ حُمَيْدِ بْنِ هِلَالٍ، ‏‏‏‏‏‏عَنْ أَنَسٍ رَضِيَ اللَّهُ عَنْهُ، ‏‏‏‏‏‏أَنّ النَّبِيَّ صَلَّى اللَّهُ عَلَيْهِ وَسَلَّمَ نَعَى زَيْدًا،‏‏‏‏ وَجَعْفَرًا،‏‏‏‏ وَابْنَ رَوَاحَةَ لِلنَّاسِ قَبْلَ أَنْ يَأْتِيَهُمْ خَبَرُهُمْ، ‏‏‏‏‏‏فَقَالَ:‏‏‏‏ أَخَذَ الرَّايَةَ زَيْدٌ فَأُصِيبَ ثُمَّ أَخَذَ جَعْفَرٌ فَأُصِيبَ، ‏‏‏‏‏‏ثُمَّ أَخَذَ ابْنُ رَوَاحَةَ فَأُصِيبَ وَعَيْنَاهُ تَذْرِفَانِ حَتَّى أَخَذَ سَيْفٌ مِنْ سُيُوفِ اللَّهِ حَتَّى فَتَحَ اللَّهُ عَلَيْهِمْ.
باب: خالد بن ولید ؓ کے فضائل۔
ہم سے احمد بن واقد نے بیان کیا، کہا ہم سے حماد بن زید نے بیان کیا، ان سے ایوب نے ان سے حمید بن ہلال نے اور ان سے انس بن مالک ؓ نے کہ نبی کریم نے کسی اطلاع کے پہنچنے سے پہلے زید، جعفر اور ابن رواحہ ؓ کی شہادت کی خبر صحابہ کو سنا دی تھی۔ آپ نے فرمایا کہ اب اسلامی علم کو زید ؓ لیے ہوئے ہیں اور وہ شہید کردیئے گئے، اب جعفر ؓ نے علم اٹھا لیا اور وہ بھی شہید کردیئے گئے، اب ابن رواحہ ؓ نے علم اٹھا لیا اور وہ بھی شہید کردیئے گئے، نبی کریم کی آنکھوں سے آنسو جاری تھے پھر آپ نے فرمایا کہ اور آخر اللہ کی تلواروں میں سے ایک تلوار (خالد بن ولید ؓ) نے علم اٹھا لیا اور اللہ تعالیٰ نے ان کے ہاتھ پر مسلمانوں کو فتح عنایت فرمائی۔
Top